Shooting World Cup: Jitu Rai-i 6 buba jenjang angu

Rio de Janeiro, April 20 (Agencies): International Shooting Sport Federation (ISSF)-i ayonger Brazil kübok Rio de Janeiro nung tagidak World Cup (Rifle/Pistol/Shotgun) tetoktepba anogo 5 buba nung India nunger prangpong toktepa kashishir, Jitu Rai-i tebur 50m  pistol tetoktepba nung 6 buba jenjang tanü, Bodbar nü nguogo.
Tebur 50m shilem nung World No. 1, Jitu-i ajak agi points 563 ngua final nung shilem agitsü jenjang angu.
Ajisüaka, pai final tetoktepba nung bilemba ama shilem magiteti 6 buba jenjang ang ngua medal agizüktsü maongka mongutet.
Kasa shilem nung Ukraine nunger Oleh Omelchuk-i temaba jenjang ngua, gold medal agizüka liasü.
Ano külen, tebur Double Trap tetoktepba nung Australia nunger James Willett-i temaba jenjang ngua, gold agizük aser pa sülen anidaka, Russia nunger Vasily Mosin aser America nunger Walton Eller nati silver aser bronze medal agizüka liasü.