Shraddha Kapoor-i tangar memenepa tanurtem peladaktsü

Mumbai, September 20 (Agencies) : Bollywood actress Shraddha Kapoor-i tangar memenepa tanurtem alidak semdanga parnok den kazü.
Sahachari Foundation tenüng nung Shraddha NGO Mann semdang aser idakji aliba tanurtem den sensaksemba dang masü saka parnok peladaktsü.
NGO Mann yagi tekolok meshidaki aliba tanurtem anepalur aser Shraddha-i parnok dang ken tena sayuba dang masü saka tsüngsanga sayu aser tanurtema tsüngsangdaktsü.
Sahachari Foundation-isa Design One exhibitions ayongzüka agir. Iba sentong ajanga lokti nung temelenshi bener arutsü nükjidong nung ayongzüker taküm asoshi September 22 aser 23, anepdang 11:00 ako nungi NSCI, Worli nung amungtsü.