Shubham-i European Junior Golf takok marok agizük

New Delhi, June 03 (Agencies): India nunger Shubham Jaglan-i European Junior Championship golf asayamong takok marok agizükogo.

2015 küm Junior World Golf Championships takok marok agizüksang, Shubham-i tan mezüngsüa European Junior takok marokji agizüker lir.

Scotland nung anogo 3 agia ayongba asayamong nung arishi küm 11 tain Shubham-i points nine-under 207 ngua strokes 13 agi temaba jenjang angu.

Tan asayamong ya nungtugu World Championships asoshi renemshiba asayamong ka lir aser Shubham-i 2015 küm World Championships nung 2 buba jenjang ngua liasü.

Haryana nunger Shubham-i 2013 küm World Junior Golf Tournament takok marok agizükba den külemi, 2015 küma Junior World Golf Championships aser Junior Golf Academy World Stars takok marok agizükba osang jangjaogo.

Shubham ya India kübok Haryana nung tentetba Panipat district kübok Israna nunger tebur chanu ka lir.