Shuttering chirp dang China nunger ana den Pakistan nunger ana asü

Islamabad, July 03 (Agencies) : Khyber-Pakhtunkhwa province, Pakistan nung Tarbela Dam indang shuttering pa sasa chirp dang China nunger engineer ana den Pakistan nungera ana asü, ta Deobarnü police-i ashi.
Tarbela Dam nung mapa teinyakdak nung shuttering memeteti chirp, ta iba tesem nung aliba police ketdangsertemi ashi.
Iba lendong nung China nunger ana densema parnok nisung pezü yirur lir. Iba dam ya Indus ayong nung yanglur aser alima nung ali timtiba moka yangluba dam ji iba ya lir. Iba ya alima nung dam tulutiba rongnung pongububa lir .
Ato Kilonser Nawiz Sharif-i China nunger tasürtem kinungertem den asüku lemsatepogo, ta Radio Pakistan osang ajanga ashi.
Ato Kilonseri China nunger engineer ana tasümangtemji tekaratiba nung pei linük tongtsütsü aser ano tang anünga aliba China nunger engineer tema junga anepalutsü atema ketdangsertem nem tetuyuba agütsüogo.