Siachen army post nung rür anenzüka alu, sepai 10 samaogo

New Delhi, February 03 (Agencies): Siachen Glacier nung rürlung alua Indian army post ka anenbangba lendong nung Indian Army 10 samaogo.

Junior Commissioned Officer (JCO) ka densema sepai 10 samaogo, aser parnok ajakji Bihar regiment 19th battalion nungi lir.

Bodhbar anepdang züngia Ladakh region nung aliba Northern Glacier nung feet 19000 tenem nung aliba army post ji rürlung agi anenbang, ta Udhampur-based Northern Command, Defence PRO, Col S D Goswami-i ashi.

Tasütait sepiatem jagi memeteti rürjep nemji nembangdaktsü, ta osang angazüker.

Iba tesem nungji Indian Army aser Air Force nati nisung kümzükba maparen tenzükogo.

India nunger sepaitemi Siachen Glacier amokbanga lir. Iba ya alima nung tongbang raraba tesem talangtiba lir.

January 4, 2016 nüa kasa tesem nung rürlung aser rürjep anenzüka aluba ajanga sepai pezü tashi tepsetogo.

Siachen Glacier ya Himalaya tenem, eastern Karakoram range nung 35°25’16/N 77°06’34/E / 35.421226°N 77.109540°E nung lir, aser iba tesem ya India aser Pakistan na tsüngda Line of Control tatembanglen lir.