Siemens-i Karnataka nung Centres of Excellence 4 amenoktsü

June 10, 2017 (Agencies): Siemens Industry Software India Pvt Ltd-i Hokolbarnü Karnataka sorkar den state nung ‘Centres of Excellence’ 4 amenoktsü asoshi tezüngzüktepba ka yangluogo.
Iba tezüngzüktepba ya Government Tool Room and Training Centre (GTTC) den yanglu aser industry 4.0, automation, mechatronics aser internet of things (IoT) infrastructure tem dak rangloker ‘world-class integrated skill development infrastructure’ aser technical education curriculum tajung agütsütsü nükjidong nung iba tezüngzüktepba ya agi.
Iba centre 4 yagi automotive, industrial machinery, industrial automation, renewable energy and aerospace aser defence dak rangloker tesayubatem agütsütsü.
“India Industry tem-i automation aser digitalization atop asüba sülen tarutsü technology aser process balala atemaa tangazükba junga ngur aliba nisungtem nüngdaktsü. India economy nguittsü asoshi Siemens bendanga agüja yaritsü,” ta Siemens Limited nung Managing Director and Chief Executive Officer Sunil Mathur-i ashi.
Item centre tem ya Siemens indang latest ‘Product Lifecycle Management’ software solutions; digital product design aser engineering atema ‘NX’ software, digital lifecycle management atema ‘Teamcenter’ aser digital manufacturing atema ‘Tecnomatix’ amala amshia tesayuba balala agütsütsü.
“Iba ajanga kaketshirtem Industry balala nung inyaktsü asoshi renemtsütsü aser industry indang inyakyim balala angazükdaktsütsü,” ta Siemens Industry Software India, Managing Director & Chief Executive Officer Suman Bose-i ashi.