Signal Angami nung Aor senden alitsü

Dimapur, May 12 (TYO) : Dimapur nung Signal Angami yimtak Aor Telongjem Signal Angami Dimapur lokti senden May 13, 2017 anepdang 10:00 ako nungi tenzüka ATSAD kimen Wb.Temsujungba’er kidang alitsü sentong renema lir.
Iba sentong nung Wb. Limameren ( Rtd. Director ) aser ASTD tir Wb.Supu Jamir nati tajungshi o jembitsü aser Village Council member Wb.Sashinüngsangi tepela o ashitsü.
Iba senden nung Signal Angami, Dimapur nung alir Aor süngpu nungi bati tashi ajak adentsüla ta ketdangpurtemi ozüngsa metetdaktsüogo.