Sikkim Hydro Electric Project nung Greenko puri sen indoktsü sentong lir

Gangtok, October 24 (Agencies): Hyderabad nung amenoka aliba Greenko company den külemi Singapore sovereign wealth fund, GIC Holdings Pte aser Abu Dhabi Investment Authority senteper India kübok North-east nung energy company ka kümtettsüba atema sentong atongdar.
Osang ka ajanga ashiba agi, Greenko Group pur ya tang east Sikkim nung Gati Infrastructure Pvt. Ltd’s (GIPL) 110 megawatt (MW) Chuzachen hydro-electric project ka nung sen indoktsüba atema maongka bushidar.
Ajisüaka iba project dak sendakba nung menoknok, tzümetsüng aser anentsüh nunger amala alima yimya ajanga teraksatsüba bener arutsüba tebilemtsütem sendaka lir.
Greenko pur ya hydropower sector nung mapang talangka inyaka aruogo, iba sülen parnok shishilembaba tzü aser mopung ajanga tashi adokdaktsüba tsütsüi meyip aser tang transmission aser distribution assets dak rangloker inyakdar.
Power transmission alia lemshitsüba atema iba company yagi tang sen $750 million indoktsüba sentong yangludar. GE Energy Financial Services India koba distribution aser supply chain solution provider ka lir, parnoki Gati Ltd indang project nung ya sen crore 257 indokogo.
Taoba mapang 2016 küm Greenko puri SunEdison’s Indian assets enterprise value million $392 agi alizük, tang parnok ket nung operating capacity 2.7 gigawatts (GW) dak tali lir koba December tashi nungbo 3GW capacity-i renloktsü akok. Kasa mapang nung iba firm ya 2019 tashi nungbo 5GW capacity atongtsü merangdar.