Sikkim nung nisung lakh 5 tema coronavirus atema screen süogo

Gangtok, March 24 (Agencies): Coronavirus wara adokba sülen nungi Sikkim-i arur nisung lakh 5.94 tema screen süogo, ta health department-i metetdaktsü.
March 21 tashi border check-posts 5 nung screen asüdang nisung pezü dak coronavirus mesükba ajitet. Iba jagi parnok indang sample tendangtsü atema bener yok saka coronavirus maliba ta putetba osang aru, ta health department-isa ashi.
Nisungtem screen asüba nungi nisung 135 observation nung ayu aser parnok 13 anogo 28 observation period süiogo, ta parnokisa ashi.
Majitar, Rangpo aser Karfectar nung quarantine centre 3 lapoka lir. Health Department-isa mozü ki pezü nung isolation wards lapoka lir.