Sikkim Parliamentary Secretaries Provisions Act 2010 agiener

Gangtok, August 26 (Agencies): High Court-i tatembang tetuyuba agütsüba nung Sikkim Parliamentary Secretaries (Appointment, Salaries, Allowances and Miscellaneous) Provisions Act 2010 aser iba dak sendakba sangdongtem ajak ozüng alema lir aser agientsür ta metetdaktsüogo.
Tang nungi Parliamentary Secretary indang mendenji temzüngi memelar aser iba dak sendakba nung teyari agütsüba ajak meyipa agir ta High Court-i oshidang agütsü ta iba ken o benoker rongnung ka, Nawin Kiran Pradhan-i ashi.
Gangtok nung osangbener senden ka nung Nawin Kiran aser parnok atema okatsür O P Bhandari nati iba osang metetdaktsü.
“Iba ken o ya mang ayangtsü aser küpzüktsü atema masü, tanü oshidang agütsübaji ozüngi takok anguba lir” ta Nawin-isa shisem.
Nawin den külemi Pahalman Subba aser Sonam Pintso Bhutia nungertemi High Court nung iba ken o benoka liasü.