Sikkim tsür Meriya Subba-i Mega Miss North East 2016 takok angu

14 buba Sunsilk Mega Miss North East takok korang angur Sikkim tsür Meriya Subba  (tiyongtsü), tanabuba jenjang takok angur Arunachal Pradesh tsür Licha Thosum (abelen) aser tasembuba jenjang angur Manipur tsür Kanchan Chanu nungertem külemi agiba noksa angur.

Guwahati; June 20, 2016 (Agencies) : Deobarnü ITA Cultural Complex, Machkhowa, Guwahati nung Sikkim tsür Meriya Subba-i Sunsilk Mega Miss North East 2016 takok korang agizük.
Iba tetoktepba ya Mega Entertainment ajanga ayongzük aser Reliance Trends, Radisson Blu, Vodafone U aser State Bank of India nungertemi teyari agüja nungit.
Arishi küm 18 tain Meriya Subba nem Sunsilk Mega Miss North East 2015 Jessica Marbaniang-i takok korang semloktsü.
Meriya’er tsüraburtemji school tesayurtem lir aser lai Northeast nungertem aser lar kinungertem dang pelaba metetdaktsü.
“Kü tsüraburtem aser tesayurtem dang kanga pelar.  Mega Entertainment, aser talisa Abhijit Singha nunger dang kü nem Sunsilk Mega Miss North East 2016 takok korang agütsüba atema kanga pelar” ta lai takok anguba sülen ashi.
Taküm tetoktepba nung tanabuba jenjangji Arunachal Pradesh tsür Licha Thosum-i angu. La ya Rajiv Gandhi University, Doimukh nung Master in Sociology kaketshir ka lir.
Ano, Manipur tsür Soibam Kanchan Chanu-i tasembuba jenjang takok angu. La ya Master in Public Administration kaketshir ka lir.
Sunsilk Mega Miss North East 2016, Meriya Subba-i sen 50000 den pageant sponsors nungi gif packs aser Sunsilk indang print & outdoor campaigns nung shilem agitsü maongka angu. Laisa Mumbai nung Reliance Trends atema Lakmé Fashion Week nung shilem agitsü aser ICSI ajanga South East Asian countries sema senzütsü maongka nguogo.
Takok angur asemprongla nem professional grooming session agütsütsü aser national o international shows balala nung ramp nung shilem agitsü maongka angur.
Sentong ayonger Mega Entertainment-i Sunsilk Mega Miss North East 2016 nung shilem agitsü atema tetsür 49 shima liasü. Iba tetoktepba ya Designer/ Fashion Choreographer Abhijit Singha-i ajungmesoa ayongzük.
Sunsilk Mega Miss North East 2016 Sub-award angurtem:
Reliance Trends Miss Trendy – Licha Thosum.
Radisson Blu Miss Hospitality – Strela Devi.
The Vodafone U Fast Track Entry title – Boishali Dutta.
Sunsilk Wild Card Entry winner – Rangolee Debbarma, Padma Subedi, Strela Devi, Soibam Kanchan Chanu aser Mamita Debbarma