Silapathar nung anüngdangbo curfew agienogo

Guwahati, March 14 (Agencies): Mongolbarnü Dhemaji district ketdangsertemi tawa lendong atalokba Silapathar jila nung anüngdangbo curfew agientsü asoshi telemtetba agiogo. Curfew aonung 8 ako nungi anepdang 5 ako tashi dang alitsü.
Iba telemtetba AASU, AJYCP aser tanga lokti balala nungi teshimtet nisungtemi district ketdangertem aser police ajurutepa jembishinütepba sülen lemtet.
Taoba mapang Nikhil Bharat Bangali Udbastu Samanvay Samiti nung züngsemtem Hindu Bengali refugee tem Subodh Biswas-i anir March 6 nü AASU office amakba sülen iba jila nung joko anogo 5buba curfew agidar.
AASU adviser Dr Samujjal Kumar Bhattacharya-i ashiba agi, parnoki yamala yimyatem anema nokdaktsü, aser Subodh Biswas tekaratiba nung pua marura pa mapu tashi longkak aittsü.
AASU adviser-i maneni Hindu Bangladeshi refugee tem nem India lisopur jenjang agütsütsü asoshi memolunger ta nenshia metetdaktsü.
Nikhil Bharat Bangali Udbastu Samanvay Samiti lenir Subodh Biswas-i anir Dhemaji, Silapathar jila nung AASU office amak.