Silchar, February 7 (Agencies) : Assam kübok Cachar district nung aliba Silchar Medical College nung Islamic State atema itdangitrar ta temulung melemi bilemba nisung ka apu.
Pa dang asüngdangya asüdang osang metetdaktsüba nung ajemdaker police-i ano nisung aputsü atema bushiteptsü tenzükogo.
Honibarnep Silchar Medical College (SMC) nung arishi küm 20 tain asangur ka MBBS fourth semester examination agütsüdang, pa anasa amener kaketshir kari pa dak taitsü keta ajitet aser iba jagi invigilators nem osang sangoktsü.
Iba nisungji Silchar Medical College nung azünger masü ta kaketshirtemi ashir. “Onoki pa kodanga college nung mongudang” ta kaketshir kati osangbener dang ashi.
Pa ket nungi taitsü aketba kulikaket kar ngutetogo aser item nung Mumbai aser tanga yimtitem indang ‘codes’ kar lir, ta Additional superintendent of Police (Cachar), Subhashini Shankaran-ia osangbener dang ashi.
Iba nisungji Suman Aziz Laskar ta jangjaogo aser police-i pa dang asüngdangya asüdang, pa Bangladesh nungi aser Bangladesh nung amenoker aliba kiralongrar telok ka den tesentaktep lir ta nangzük.
“Ajisüaka, onoki pa indang maitsü jangjatsü atema kulitem bushia aodang, pa Assam kübok Barak Valley nung Silchar anasa aliba yimtsüng ka nungi lir ta bushitet” ta Cachar Superintendent of Police, Rajveer Singh-isa metetdaktsü.
You must be logged in to post a comment Login