Siliguri nung Go Air-i Naga tsür 17 shimogo

Emporium Skill Training Institute, Dimapur, Nagaland nungi ‘Go Air’ Cabin Crew atema Nagaland nungi shimba candidate parnok 17 külemi tangokba noksa ka yangi angur. 

Dimapur, Rongjui/September 24, 2019 (TYO): India nung jenjang dalang agi senzütsüsa tayimtsü balala rongnung Go Air ya ka asütsü aser tawa Siliguri kübok Emporium Skills Training Institute, City Centre tesem nung recruitment drive sentong ka ayongzüka liasü, ta sangdong ajanga metetdaktsü.
Iba interview atema northeast state balala nungi kaketshir/candidates tem arua liasü, kong candidate 350-i shilem agiogo.
Iba sentong nung shilem agitsü asoshi Skills Training Institute, Dimapur nungi candidate 58 ao aser parnok 58 rongnungi candidate 17 Cabin Crew atema shima liasü. Iba ama takok tajung ngua state ajak nungi Nagaland-i record yanglua liasü.
Iba recruitment drive atema candidates 25 shim, kong Nagaland nungi candidate 17 densema lir.
Tang Nagaland nungi shima alir candidate 17 ya Pradhan Mantri Kaushal Vikas Yojna Scheme (PMKVY2.0) kübok Emporium Skill Training Institute, Dimapur nung training tagidak lir.
Iba scheme ya Department of Employment, Skill Development & Entrepreneurship, Government of Nagaland lenisüba kübok achaayanger.
Training tembangba sülen, teshimtet candidates tem ya Mumbai-i aotsü aser India & overseas 7 nung tesem 25 jungnüa tashi sema senzütsü. Parnok ita senji 50,000 nungi 60,000 tsüngda tashi nung angutsü.