Silver Cup: United CC aser Diphu XI na final asayatsü

Kohima, Yimpoksüi/November 22 (TYO): Nepali Baptist Church, Kohima-i ayongba 10buba Silver Cup final United Cricket Club Jakhama aser Diphu XI na tanü asayatsü. Iba asayamung ya “Unity and peace through cricket” omen nung ajemdaker Jakhama Local Ground nung tang asayadaki.
United CC Jakhama aser Diphu XI na tsüngda final asaya Honibarnü 10:30 ako nungi asayatsü.
Final asaya tembangba sülen nikongtsütsü 1:30 nungi sempet agütsüba sentong agitsü, kong Nagaland Cricket Association vice president K Herato Sukhalu tongti tesemdanger asütsü.
Tanü mezüngbuba semi-final asaya nung United CC-i wicket 6 agi defending champions Esa Warriors akok.
Esa warriors puri toss akok aser mezüng bat asütsü shim aser over 20 nung wicket 9 out ser run 118 yanglu. Parnok rongnungi Ritupan-i run 31 aser Roshan-i run 20 yanglu.
United CC bowlers Saurav Dey-i wicket 4 agi aser Amitava Das-i wicket 2 agia liasü.
Asaya akoktsü atema run 119 nüngdaka batting amenba mapang United CC Jakhama-i over 18.2 nung asayar 4 out ser Esa puri yanglua aliba run menep.
Parnok rongnungi Saurav Dey-i run 47 aser Rejaul Alam-i out mesüi run 14 yanglu. Esa Warriors bowler Hanilong-i wicket 2 agia liasü.
Iba asaya nung Saurav Dey nem man of the match award agütsü.
Semi-final asaya tanabuba Diphu XI-i wicket 4 agi Silver Backs akok.
Mezüng batting asütsü shima amenba sülen Silver Backs puri over 17.1buba nung asayar ajak out ser run 96 dang yanglutet.
Diphu XI bowlers Raju-i wicket 4 agi aser pa den yarisema Vicky Hanse-ia wicket 3 agia liasü.
Asaya tanabuba shilem nung Diphu XI over 19.1 nung asayar 6 out ser Silver Backs puri yangluba run menepa asaya akok. Parnok rongnungi Rahul-i run 27 aser Sarklimso-i run 21 yanglu.
Silver Backs bowler Gourab-i wicket 3 agi. Asaya nung Raju nem man of the match award agütsü.