Simon Cowel’er kidang parnok mejanga lia auya

December 05, 2015: Hokolbar anepdang Simon Cowell o tetong Lauren Silverman na den tanur Eric nunger takdang temaba nung amoa or lia auer kari 2:20 ako meta auya. Iba ki ya sen million pound 35 alang lir.
Auer teloki sen dena sen aika alang senti oset auyar ao. Parnok ki telungi aitba sülen sen aser senti oset ayuba sabi ngua yangji aliba ajak azüngteta auyar ajen.
Kidang auyaba osang pa den yariteper kati ashidangang Cowel-i metet.
“Sen aika alang indang sentilong (gems) aser sen kar iba süngden nung yua liasü. Auertemi ki telungi koma sür ait mesüra par kidang auyatsü nüngjidong nung aru asü masü-ar ano mejangja.
Iba tatalokba ajanga Simon aser Lauren na kanga aoksa-a liasü, ajisüaka par asem kecha mesüi kümzükba jiang tuluba, ta osang kar ajanga MailOnline dang metetdaktsü.
Tang atalokba ya kanga tejashitsü ka lir saka kibong züngsemtem dak kecha matalokba ajanga oset samaba atemabo Simon-i mesasar.
Aji oda süaka Simon-i par kidang security tali akhangshitsü, ta kasa osang ajanga ashi.
Metropolitan Police nung otongdar kati ashiba agi, December 4 anepdang 02:20 ako nung ‘W14’ kidang auyadar ta police dangi osang aru.
Police tem auyaba tesem shitaki arua atong ajisüaka auyartem or liasü. Bushisüngdang maparen tenzükogo saka tang tashi nung ano auer shinga mepushi.
Daily Mail ajanga ashiba agi, CCTV camera nung aliba video tem repranga bushisüngdangdar.