Simon Cowell ‘Britain’s Got Talents’ nung maneni tetendanger asütsü

Simon CowellOctober 11, 2015: Simon Cowell aser ‘Britain’s Got Talent’ producer temi ‘Britain’s Got Talent’ 10 buba series nung tetendangertem kasa dang asütsü ta osang jangjatsüogo, anungji sangküm Cowell, David Walliams, Amanda Holden aser Alesha Dixon nunger maneni tetendangser asütsü aser sentong ketdangserji Ant and Dec asütsü.
“2016 küm ‘Britain’s Got Talent’ 10 buba benjungmung amungtsü ta ni mamangteter. Anungji iba ya küm balaka südaktsüdi aser onoki iba audition nung tajunger rongnungia tajungtibatem arudaktsüner,” ta Cowell-i ashi.
Ano Comedian, David Walliams-ia, “10buba takoker bushiba mapang maneni Simon aser tetsürtem den shilem agitsü yongar. Taruba series yabo balaka asütsü ta ni imlar,” ta ashi.
2016 series atema audition ji Birmingham, Cardiff, Liverpool, London, Glasgow aser Manchester nung agitsü.

You must be logged in to post a comment Login