Simon Cowell-i Cheryl balar lia temulung süneptsür

January 12, 2016: Kentener Cheryl Fernandez-Versini aser kingüngbo Jean-Bernard Fernandez-Versini na kibong kümer ita 18 dang lir balaba mapang music business nung tetsüti Simon Cowell-i temulung süneptsü.

“Tejashitsü ka yangi alir shingaia iba osang tamajung mangashi. Taküm Jean-Bernard khen danga maludang aser ibaji ajanga onoki tena balatsü akok ta bilema liasü. Kententepba sentong tenzükba sülen Simon aser Cheryl na aiben külemi mapang entoker,” ta osang kar ajanga mirror.co.uk dang ashi.

“Pa la dang temulung süneptsü o aika shiogo. Pai la asoshi kanga anepalur aser sodi mapanga la junga ali mali metettsü teti tongteprateper,” ta kasa osang ajanga ashi.