Simon Cowell-i tetsü asüba sülen ashiba o tem

July 16, 2015: Simon Cowell tenoi, tetsü, Julie asüba sülen Simon-i par kinünger ajak kanga junga tiptemdaktsü aser pa ya ‘rarar ka’ lir, ta ashi.

Tony Cowell-i, Simon kanga mazüngi nüngtugusa liaka, tetsü Julie arishi küm 89 nung asüba sülen pa o tajung agi ajanga kinünger ajak temulung sunepdaktsü, ta tenüngsanga ashi..

Tony-i, “Tanü ni Simon dena, ozü kinünger ajak asoshi bilemtsür. Mapa tulu nung amdaker lia tasüba ataloker sülen pa koma shisa bulua alitsü. Ya temela masü, ajisüaka ni meimsang kü adianu Simon-i, iba shisa bulu koktettsü. Ketsü amai pa-a rarar tajungka lir, pai kodanga temulung majemer,” ta Britian nung Best magazine danga ashi.

Simon-i tetsü asüba osang angashili o tanük jembiba, par tanur-ia shia liasü.

Tony-i, “Simon-i ketsü asüba aonung, ‘Ojala dang anisüngzükdak lir’ ta ashi. Onoki la aser la meim kodanga mamatsü,” ta shisem.

Ya küm stroke asüba sülen la joko talangka malitsü, ta Simon kenati metetadoker liasü, ta Tony-i ashi.

Pai, “Na koma tain ka asüyonga tetsü ka asüba mapang kanga temulung raksar. Yaküm October ita nung la stroke asüba külenbo la joko mezüng ama meshilangtsü, ta jangjadok,” ta ashi.

La mozü iidang amungdang kanga temulung shiranga liasü. La onok memeteti aküm kechiba süra la coma nung lia asü, ta Tony-isa ashi.