Simon Cowell tetsü asüba ajanga X Factor audition thinen

July 06, 2015: Simon Cowell-i pa tetsü asüba ajanga England nung pa meyong nüngtugu sentong ‘X Factor’ thinenogo.

TV aser music nung kanga nüngtugu nisung, Simon aser tetendangertem Manchester, England nung Hombar nü nungi iba sentong asoshi audition agitsü liasü, ajisüaka tetsü, Julie Cowell stroke sür asüba ajanga thinena atar.

Tetsü ya arishi küm 89 nung iba lima nungi pilar aser par kibongi iba osang ya sangdong ka ajanga metetdakja liasü.

Iba sangdong nung: “Tanü onoki teti kanga meima alila, kütsü, Julia iba lima nungi pilaogo. La ajurur danga alirbo ajaki la tetsü komala ka liasü-ar shitettsü. Onoki temulung kanga raksar aser la kanga menungrar, ajisüaka labo ayongayonga anisüngzükdar,” ta zülua liasü.

“Onoki media dang kanga pelar kechiba süra la timtemba mapang osang mesangdongi aremzüka ata liasü,” ta kasa sangdong ajanga ashi.

Tesüiba mapang nung ‘ballat dancer’, Julia-er jabasotemji Simon aser pa teno Nicholas, Tony aser Michael nunger lir aser John o June Cowell na tanabuba tetsü.