Sindhu Chinese Taipei Grand Prix 2 buba round-i iogo

Taipei, July 15 (Agencies): India’er badminton asayar, P V Sindhu aser K Srikanth na den külemi, Sameer Verma nungeri tang tasayadak Chinese Taipei Grand Prix Gold badminton asayamong 2 buba round asayatsü jenjang tanü Bodbar nü nguogo.
World No. 14 Sindhu-i points 21-19 21-19 agi Indonesia tsür Lindaweni Fanetri mezüngbuba round nung tsükdaktsüba sülen tetsür singles shilem indang 2 buba round Chinese Taipei tsür Tai Tzu Ying den asayatsü jenjang angu.
Tebur singles shilem nung World No. 3 Srikanth-i minute 34 nung points 21-17 21-15 ngua Chinese Taipei nunger Tzu Wei Wang madak takok anguba sülen Indonesia nunger Ihsan Maulana Mustofa den 2 buba round asayatsü lemzükogo.
Sameer-ia tanü points 20-22 21-13 21-13 ngua Chinese Taipei nunger Kuo Po Cheng mezüngbuba round nung tsükdaktsüba sülen World No. 1, China nunger Chen Long den 2 buba round asayatsü lemzük.