Sindhu-i Denmark Open final makok

Odense, October 18 (Agencies): Sen dollar 650,000 alang Denmark Open Superseries Premier final asaya nung Deobar nü India tsür badminton asayar P.V. Sindhu-i takok mongutet. Lai Olympic champion, Li Xuerui den kanga meranga asaya saka tia makai takok mongutet.
Iba asayamung nung Sindhu-i China tsür World No 3, Tai Tzu Ying, China tsür World No 6, Yihan Wang aser world champion anaben tashi bena alila Spain tsür, Carolina Marin nunger koka final tongteta liasü.
World Championships nung anaben bronze medal bena alila, Sindhu taoba mapang World No 1, Xuerui 19-21 aser 12-21 agi makok. Iba asaya Odense Sports Park nung minute 47 agia asaya liasü.