Sindhu-i Macau Open asemben buba benogo

Macau, November 29 (Agencies): Deobarnü Tap Seac Multisport Pavilion nung Macau Open Grand Prix Gold final asaya nung India tsür P.V. Sindhu-i 21-9, 21-23, 21-14 agi Japan tsür Minatsu Mitani kokba lai iba asayamung asembenbuba benogo.
Sindhu-i tatemsabuba asaya nung gondha ka ser minute trok agia Minatsü madak takok angu. Iba takok ajanga tena anaben ajurutepba nung khen khen akoker asütsü.
World Championship nung anaben bronze medal angula, Sindhu-i asaya tetenzükdang nungi kanga kara point angu.
World No.18 Minatsu-i tanabuba asaya nung kanga junga asayaba ajanga World No.12 Sindhu-i kanga meranga asayaka takok mongutet.
Tasembuba aser tatembangba asaya nung Sindhu-i kanga kümdanga asaya meso aser kanga kara point 9-3 anguba sülen maneni 21-14 ngua iba takok angu.