Sindhu-i tamakok ajuru, Srikanth semi-i iogo

Malang, December 04 (Agencies): India’er badminton asayar mongin, K Srikanth-i takok ngua tang tasayadak Indonesia Masters Grand Prix Gold asayamong tebur singles shilem indang semifinal asayatsü jenjang yashi Brehostibar nü nguogo.
Ajisüaka, PV Sindhu-i tanü Hokolbar nü tamakok ajurua, tan asayamong nung joko shilem magitettsüsa jenjang tamajung ajuruogo.
World No. 9, Srikanth-i minute 24 nung points 21-10 21-5 ngua tan asayamong nung 15 buba jenjang abensang, Malaysia nunger Teck Zhi Soo madak quarterfinal asaya koka semifinal-i ai.
Yashi China nunger Qiao Bin 2 buba round nung tsükdaktsüsang, arishi küm 22 tain Srikanth-i Indonesia nunger Ginting Anthony den semifinal nung ajuruteptsü.
Ajisüaka, China tsür, He Bingjiao-i tanü minute 36 nung points 23-21 21-13 ngua Sindhu tetsür singles quarterfinal asaya nung tsükdakja liasü.