Sindhu o Srikanth na 3 buba round-i iogo

Malang, December 02 (Agencies): India’er badminton asayar mongin, PV Sindhu aser Kidambi Srikanth nati 2 buba round asaya koka tang tasayadak Indonesia Open Grand Prix Gold asayamong 3 buba round asayatsü jenjang tanü Brehostibar nü nguogo.
Taoba mapang World Championships bronze anaben tashi agizükla, Sindhu-i tanü points 21-12, 21-9 ngua Indonesia tsür, Wulan Cahya Utami Sukuptri 2 buba round nung tsükdaktsü.
Sindhu-i Korea tsür, Jang Mi Lee aser China tsür, He Bingjiao na rong nung takok angur den 3 buba round nung ajuruteptsü.
Tebur World No. 9 Srikanth-ia tanü points 21-14, 17-21, 25-23 ngua Indonesia nunger Saputra Vicky Angga 2 buba round nung tsükdaktsüba sülen China nunger Qiao Bin den tebur singles 3 buba round asayatsü lemzükogo.
Külem sensopur, RMV Gurusaidutt-ia tanü points 21-19, 19-21, 21-15 ngua Singapore nunger Kean Yew Loh tsükdaktsüba sülen 3 buba round-i aiba osang jangjaogo.
Ajisüaka, tan asayamong nung 3 buba jenjang abensang, HS Prannoy-i points 12-21, 22-20, 13-21 ngua China nunger Shi Yuqi nem 2 buba round kokdakja liasü.