Sindhu o Srikanth na Malaysia Masters semifinal-i ogo

Penang, January 22 (Agencies): India’er badminton asayar mongin, PV Sindhu aser Kidambi Srikanth nati pei quarterfinal asaya nung takok ngua tang tasayadak Malaysia Masters Grand Prix Gold tetsür aser tebur singles shilem indang semifinal asayatsü jenjang tanü Hokolbar nü ajangzükogo.
Hyderabad tsürla, Sindhu-i tanü ghonda tesadang ka shi nung points 21-10, 21-10 ngua Indonesia tsür, Lindaweni Fanetri madak takok angu.
Tan asayamong nung 3 buba jenjang abenla, Sindhu-i tan agi Lindaweni den 10 ben tashi ajurutepdang asaya 8 buba akoker lir.
Tetsür World No.12, Sindhu-i South Korea tsür, World No. 8, Sung Ji Hyun den semifinal nung ajuruteptsü.
Tan asayamong nung 2 buba jenjang abensang, Srikanth-ia tanü minute 33 nung points 21-15, 21-14 ngua China nunger Huang Yuxiang quarterfinal asaya nung tsükdaktsü.
Tebur World No. 9, Srikanth-i Malaysia nunger Iskandar Zulkarnain Zainuddin den semifinal asayatsü lemzükogo.
Ajisüaka, külem sensopur, Ajay Jayaram-i tanü tamakok ajurua tan asayamong nung joko shilem magitettsüsa jenjang tamajung ajururogo.
Malaysia nunger Lee Chong Wei-i tanü minute 35 nung points 21-16 21-16 ngua Jayaram tsükdaktsü.