Sindhu, Saina aser Srikanth quarterfinals-i iogo

Jakarta, Aenjeti/January 24 (Agencies): India nunger badminton asayar PV Sindhu, Saina Nehwal aser Kidambi Srikanth nungeri Brehostibarnü pei tata asaya koka Indonesia Masters’ quarterfinal tongtetogo.
Second seed Sindhu-i 23-21, 21-7 agi Gregoria Mariska Tunjung madak takok angu. Tena tsüngda minute 37 asayaa liasü.
Arishi küm 23 tain asayar shibai taoba küm Commonwealth Games, World Championship aser Asian Games nung silver medal anguba sülen World Tour Final kokogo, la taruba asaya Spain tsür Carolina Marin den asayatsü.
Tetsür kija asaya nungsa Saina-i Indonesia tsür Fitriani Fitriani 21-17, 21-15 agi koka quarter final-i iogo.
Tebur kija asaya nung Srikanth-i 21-14, 21-9 agi japan nunger Kenta Nishimoto koka taruba round tongtetogo.
Taoba hopta Malaysia Masters nunga Srikanth-i quarter final tonga asayaogo aser pa taruba asaya Indonesia nunger Asian Games champion Jonatan Christie den asayatsü.
Ajisüaka tebur tarep asayar Manu Attri aser B Sumeeth Reddy na 14-21, 21-17, 10-21 agi Denmark nunger tarep Kim Astrup aser Anders Skaarup Rasmussen nati tsükdaktsüogo.