Sindhu, Saina na Malaysia Open mezüngbuba round nung tsükogo

Kuching, April 5 (Agencies): India tsür rongnungi nüngtugu asayar PV Sindhu aser Saina Nehwal na Mongolbarnü Malaysia Open Superseries mezüngbuba round asaya nung tsükogo. Kasa mapang nung tebur asaya nungbo Ajay Jayaram tanabuba round-i iogo.
2016 Olympic nung Silver medal angula, Sindhu ya China tsür Chen Yufei-i gondha 1, minute 8 nung 21-18, 19-21, 17-21 agi akok.
Tanga asaya ka nung Japan tsür world No.4 Akane Yamaguchi-i 19-21, 21-13, 21-15 agi minute 56buba nung Saina madak takok angu.
Tebur tarep asayar Manu Attri aser B. Sumeeth Reddy nata Chinese Taipei nunger tarep asayar Liao Kuan Hao aser Lu Chia Pin nati tsükodaktsü. Hao aser Lu nati 21-18, 18-21, 17-21 agi India nung asayar madak takok angu.
Tebur kicha asaya nung World No.19 Jayaram-i China nunger asayar Qiao Bin madak 21-11, 21-8 agi minute 31buba nung takok ngua tanabuba round-i iogo.