Sindhu semifinal nung tsükogo

Dubai, December 17 (Agencies): India’er tetsür badminton asayar mongin, PV Sindhu-i tamakok ajurua, tang tasayadak BWF Super Series Masters Finals badminton asayamong nung joko toktepa masayatettsüsa jenjang tamajung tanü, Honibar nü ajuruogo.
Sindhu-i lar quarterfinal asaya nung Spain tsür, Carolina Marin tsükdakja, tan asayamong semifinal asayatsü jenjang ajangzük.
Ajisüaka, Korea tsür, Sung Ji Hyun-i tanü points 21-15, 18-21, 21-15 ngua, Sindhu tsükdaktsü.
Tanü asaya jakdang, Sindhu-i points 6-3 agi Hyun den temaba jenjang ngua liasü.
Sindhu-i tesüsa, taoba November ita 11 nü points 11-21, 23-21, 21-19 ngua, Hyun madak takok ngua asayaba sülen China tsür, Sun Yu final asayatsü nung tsükdakja, China Open takok marok agizük.
Sung-i tanü takok anguba sülen tetsür World No. 1, Chinese Taipei tsür, Tai Tzu Ying den final asayatsü.
Ying-ia points 21-19, 21-19 ngua, China tsür, Sun Yu par semifinal nung tsükdakja liasü.