Sindhu, Srikanth Quarter tongogo

Lucknow, January 26 (Agencies): India nunger nüngtugu asayar P V Sindhu aser Kidambi Srikanth Syed Modi Grand Prix Gold asayamung nung quarterfinal-i iogo. Brihostibarnü tanga asaya ka nung Mumbai nungi asayar Harsheel Dani-i H S Prannoy koka quarterfinal-i iogo.
Olympic nung silver medal angula Sindhu-i minute 20 dang agia Lalita Dahiya 21-7 21-12 agi akok. La taruba asaya Vaidehi Choudhari den asayatsü.
Teburtem asaya nung Srikanth-i külem India nunger asayar Vaidehi Yadav 21-15 21-16 agi minute 38 nung akok. Pa quarterfinal nung Malaysia nunger asayar Zulfadli Zulkiffli den asayatsü.
2015 Turkey International Open nung tanabuba jenjang angusang tabelen kayim asayar Harsheel dena quarterfinal-i iogo. Pa Denmark nungi asayar Emil Holst den taruba asaya nung asayatsü.
Adianu Sameer aser Sourabh naprongla Quarter tongogo. Sameer-i Malaysia nunger Wei Feng Chong 21-15 21-16 agi akok. Tanga asaya ka nung Chinese Taipei Grand Prix Gold akoksang Sourabh-i 21-14 21-16 agi Lakshya Sen madak takok angu.
Tetsürtem asaya nung Rituparna Das shiba 2010 under-13 Nationals akokba sülen Gopichand Academy nung aden, lai Russia tsür Ksenia Polikarpova madak 21-12 21-19 agi akok. La Indonesia tsür Fitriani Fitriani den taruba asaya nung asayatsü.
Mixed tarep asaya nung Ashwini Ponnappa aser B Sumeeth Reddy nati Rohan Kapoor aser Sanjana Santosh na 21-15 21-18 agi akok. Kasa asaya nung Pranaav Jerry Chopra aser N Sikki Reddy nati Ketan Chahal aser Mohita Sahdev na 21-6 21-15 agi koka quarter tongogo.