Singapore Open: PV Sindhu tanabuba round-i iogo

Singapore, April 12 (Agencies): Bodhbarnü Singapore Open mezüngbuba round nung Olympic nung ‘Silver medal’ angula, P V Sindhu-i Japan tsür, 2016 All England Champion, Nozomi Okuhara koka asayamong kanga junga tenzükogo.
Asaya mezüngbuba nung Okuhara-i 21-10 agi akok, saka iba sülen tanabuba aser tasembuba game nung Sindhu-i kanga meranga asayaa 21-15 22-20 agi akok. Iba asaya gondha ka ser minute ana nung tembang. La taruba asaya Indonesia tsür Fitriani Fitriani den asayatsü.
Syed Modi Grand Prix Gold nung tanabuba jenjang ngutetsang India nunger asayar B Sai Praneeth-i 17-21 21-7 21-19 agi Denmark nunger Emil Holst madak takok angu. Pa taruba asaya China nunger Qiao Bin den asüng asayatsü.
Tetsür tarep asaya nung Ashwini Ponnappa aser N Sikki Reddy natia Malaysia tsür Yin Loo Lim aser Yap Cheng Wen madaka kanga meranga asayar 21-19 21-19 agi takok nguogo.
Kasa asayamong nung adianu – Sourabh aser Sameer, kicha asayar Rituparna Das tsükogo. National Champion, Sourabh Indonesia nunger Anthony Sinisuka Ginting 15-21 14-21 agi makok aser Syed Modi Grand Prix Gold Champion, Sameer 26-28 21-23 agi Hong Kong nunger asayar Hu Yun-i tsütaktsü.
India nunger Mixed double asayar Satwiksairaj Rankirteddy aser Maneesha K aser tebur tarep asayar Manu Attri aser B Sumeeth Reddy nunger ajak parnok asaya mekoki asayamong nungi toguogo.