Singapore Open: Sindhu-i tamakok ajurur

Singapore, April 14 (Agencies): India’er tetsür badminton asayar, PV Sindhu-i tang tasayadak Singapore Open Super Series badminton asayamong tetsür singles 2 buba round nung tanü, Brehostibar nü tamakok ajuruogo.
Sindhu den külemi, India’er tebur doubles asayar, Pranaav Jerry Chopra o Akshay Dewalkar na aser mixed doubles asayar, Pranaav o N Sikki Reddy nungeri tanü tamakok ajuruba yong India teloki tan asayamong nung joko shilem magitettsüsa jenjang tamajung ajuruogo.
Sindhu-i tanü kanga meranga asaya saka China tsür, He Bingjiao-i minute 55 nung points 11-21 21-14 21-14 ngua Sindhu tsükdaktsü.
Indonesia nunger Mohammad Ahsan aser Hendra Setiawan nati minute 23 nung points 21-12 21-12 ngua Pranaav o Akshay nata tebur doubles 2 buba round asaya nung tsükdaktsü.
Ano, China asayar, Xu Chen o Ma Jin nati minute 33 nung points 21-15 21-19 ngua Pranaav o Sikki na madak mixed doubles 2 buba round asaya koka liasü.