Singapore passport ya alima nung tematiba jenjang nung lir

Singapore, October 25 (Agencies): Passport rongnung Singapore indang passport ya alima nung tashi taitba lir, ta sangdongogo aser Passport Index indang temaba jenjang nung lir.
Global financial advisory firm, Arton Capital ajanga yangluba Passport Index-i sayaba nung Asia linüktem nungi ibai mezüngbuba lir.
Passport Index ajanga ashiba agi, Singapore passport alirtemi visa meliaka linük 173 sema jajatettsü. Paraguay-i aotsü asoshi Singapore nungi passport alirtem visa menüngdaktsü, ta sangdongba sülen iba ranking ya arur.
Germany aser Sweden ya anabuba aser asembuba jenjang nung points 158 aser 157 nung lir.
Arton Capital ajanga renemba Passport Index nung ranking agütsüba ya passport abenertemi visa meliaka linük balala sema jajatettsü akokba nung ajemdaker agütsür.
Iba asadangba nung United Nations nung züngsem linük 193 aser territory trok indang passport tem lir.
Akhi mapang nung alima nung passport tashi tuluba ter ya Europe nungi liasü aser taoba küm ana tashi Germany ya temaba jenjang nung liasü, ta October 25 nü sangdong ka nung shia lir.
2017 küm tetenzüklen nungi iba temaba jenjang ya Germany aser Singapore tsüngta lemsateba liasü.
Temaba jenjang 20 nung Asia nungi densema aliba linük rongnung South Korea, Japan aser Malaysia densema lir.
Tir Donald Trump-i office agizükba sülen United States indang passport jenjang tamajungbai alur, ta Passport Index ajanga ashir.
Turkey aser Central African Republic linük nung US indang passport alirtem visa meliaka senzütsü mela liasü, saka iba temelaba tawa agienogo.
Taküm Visa Restriction Index nunga Singapore ya jenjang pezü nung liasü, aser iba züngdangba ya densema ‘most powerful passport’ asadangba nung amshir.
Alima nung ‘most powerful passport’ jenjang ter nung yamai alitsü:
1. Singapore (159)
2. Germany (158)
3. Sweden, South Korea (157)
4. Denmark, Finland, Italy, France, Spain, Norway, Japan, United Kingdom (156)
5. Luxemburg, Switzerland, Netherlands, Belgium, Austria, Portugal (155)
6. Malaysia, Ireland, Canada, United States of America (154)
7. Austria, Greece, New Zealand (153)
8. Malta, Czech Republic, Iceland (152)
9. Hungary (150)
10. Slovenia, Slovakia, Poland, Lithuania, Latvia (149)