Singapore Slammers-i IPTL takok marok agizük

Singapore, December 20 (Agencies): Switzerland nunger Stanislas Wawrinka-i tebur singles aser doubles asaya naprongla nung takok ngua shilem agiba yong par Singapore Slammers-i final asaya koka International Premier Tennis League (IPTL) asayamong takok marok tanü Deobar nü agizükogo.
India’er double specialist, Purav Raja-i coach asüba Slammers teloki tanü points 26-21 ngua defending champions, Indian Aces final asaya nung tsükdaktsü.
Slammers teloki takok marok den senpet sen million 1 aser Aces teloki tanabuba takok marok den senpet sen 500,000 agizüka liasü.
Legend’s singles asaya nung Carlos Moya-i points 6-4 agi Fabrice Santoro koka par Slammers telok nem points 2 ajangzüktsü.
Belinda Bencic-ia points 6-4 agi Svetlana Kuznetsova madak tetsür singles asaya koka par Slammers telok temaba jenjang nung ajungkettsü.
Sania Mirza o Rohan Bopanna nati points 6-2 agi Dustin Brown o Karolina Pliskova madak mixed doubles asaya koka par Aces telok jenjang tajungba kümdaktsü.
Ajisüaka, Wawrinka-i tebur singles asaya nung points 6-3 agi Bernard Tomic tsükdaktsüba den külemi, Marcelo Melo den külemi lungjemer points 6-3 ngua Bopanna o Ivan Dodig na madaka tebur doubles asaya akokba yong par Slammers teloki takokba angu.
Tan asayamong nung Aces asayar, Dodig tebur Most Valuable Player aser Slammers asayar, Belinda Bencic tetsür Most Valuable Player shimteta tenaprongla nem senpet sen 50,000 agütsü.