Singh-i 59 buba National Shooting Championships gold agizükogo

New Delhi, December 15 (Agencies): 2016 Rio Olympics nung shilem agitsü jenjang ngua alisang, Chain Singh-i New Delhi nung ayongba 59 buba National Shooting Championships tatembangba anogo nung, tanü Mongolbar nü gold medal ka agizükogo.
Army asayar, Singh-i tanü final round nung points 452.8 ngua tebur 50m Rifle 3 Positions tetoktepba indang gold agizük.
Kasa shilem nung Air India asayar, Gagan Narang-i points 451.1 ngua silver aser Railways asayar, Swapnil Kusale-i points 441.7 ngua bronze medal agizüka liasü.
Singh ama, Rio Olympics nung shilem agitsü jenjang ngua alila, Apurvi Chandela-ia final round nung points 207.8 ngua tetsür 10m Air Rifle tetoktepba gold lar Rajasthan telok asoshi agizüktsü.
Tan asayamong nung gold 3 agizüka alila, Geetakshi Dixit-i point 1 agi Chendela den point tajemba ngua silver aser Harayana asayar, Anjum Moudgil-i points 185.7 ngua kasa tetoktepba nung bronze agizüka liasü.