‘Singh is Bliing’ sayar mezüng nü sen crore 20.67 aaogo

Mumbai, October 3 (Agencies): Akshay Kumar-i shilem agiba action comedy film “Singh is Bliing” sayar mezüng nü box office nung sen crore 20.67 aatetogo. Iba film ya Prabhudheva-i direct asüba lir aser Akshay Kumar-i shilem agiba film rongnung mezüng nü sen timtiba aatetbaji iba film ya lir.

“Iba film ajanga Akshay-i shilem agiba film rongnung mezüng nü sen timtiba aatetogo,” ta box office sangdong ka ajanga metetdaktsüogo.

Amy Jackson, Kay Kay Menon aser Lara Dutta nungeri shilem agiba “Singh is Bliing”, film nung Akshay-i Raftaar Singh ama shilem agia lir. Iba film ya ajanga taruba hopta tem nung ano timba aatsü imlar kechiba süra iba film den tokteptsüsa tanga film saya mali. Tan sayar aliba aser Irrfan Khan o Konkana Sen Sharma nati tongti shilem agia aliba “Talvar” film ajanga Hokolbar nü sen crore 3 anga aateta liasü.

2012 küm sayaba action masala film “Rowdy Rathore” sülenbo Akshay Kümar aser Prabhudheva na tan mezüng külemi shilem agir asütsü.

Twitter nung Akshay sülen anidaker Honibar nisung million 10 jungogo aser pai “Singh is Bliing” ajungkettsü asoshi twitter ajanga tembartem den sensak sema liasü.

You must be logged in to post a comment Login