‘Single Use Plastic’ osettem amshiba/ayokba tang tashi nokdanga lir: KMC

Kohima, Tsüklai/February 04 (TYO): Taoba mapang ‘Single Use Plastic’ osettem amshiba/ayokba ajunga nokdanga totuyuba agüja aliba tang tashi lir, ta Kohima Municipal Council (KMC) ajanga February 4, 2022 nü sangdong ka nung ashi.

Iba amala osettem amshiba/ayokba atema Environment (Protection) Act, 1986 indang Section 5 kübok temerenshi alitsü. Anungji ajaki iba totuyuba sülen anidaktsüla, ta KMC administrator, T. Lanusenla Longkumer-i sangdong ajanga ashi.