SIR, ALOKBA DELHI-I OOR ARUBA OSANG

Yimsüsür : Sir, na Modiba-i Delhi-i aja ta angazükba agi iba osang koma’ar angadangnerba ner kidangi arur ako.
Alokba : Arongni nenok amala den sensak sema kazübaji jangratemtsüka nung koda.
Yimsüsür : Ari! Sir, na tanepbo tejak kanga mekümer angurato? PM Modibai Delhi-i aja nung tejak yamai mekümer na? Ari! Ano bosta paikati yamai junga packing sur aliba ya kechi? Nabo Delhi-i aoba langa nguogotoya.
Alokba : Ni tejak mekümbaji iba packing ya agi mekümerbako, tayimtsü nunga iba packing ya agi sen aika tali agütsüogo.
Yimsüsür : Aya! Aya! Nabo iba packing ya Central scheme aser work order file tem dang suditoya. Kü nem-a sub contract bo agüjangmano.
Alokba : Kanga junger, nai aji ashi nung ni tera anisüngzükogo. Ina, iba packing ya Modiba PM kümer külento Nagaland nungi nenok ama yimsüsür tulubai anir tilaba tashi Centre nung minister post kabo imlar ogo, aser ano department (Ministry) balala nung minister dang scheme karbo koda? ta ajurutepdang narojong agütsübato PM-i packing yur ni ibaji abeni Modibai Delhi-i jaokba asüaja. Ano tera mebenma yutsür aru anungji na-a sub-contract inyaker amai tanungbaji na tabeni oangno.
Yimsüsür : Oh! Alokba.
Lilir : Imo Longkümer, Dimapur.