Skill upgradation training agütsü

Dimapur, Mongputeni/October 18 (TYO): Rashtriya Khrishi Vikas Yojana (RKVY) kübok Skill upgradation training ka Khedi Baptist Church, Kohima nung lanurtem nem October 12 nü agütsüogo. Iba training ya Fisheries and Aquatic Resources Department-i agütsü.
Iba training ya entrepreneurship renloka aotsü atema nükjidong yur agi, kong training nung shilem agirtem dang Fish Pickle, Fish Cutlet, Fish Finger, Fish Ball aser Fish Soup yanglutsü asoshi hygienic, product packaging aser food safety measures dak ajemdaker training agütsü. District Fishery Officer, Kohima-i anir department nungi ketdangser ti-i training balala agüja laisü.
Training shibangba sentong nung Neitho Kuotsu, Deputy Director, shiba RKVY scheme incharge lir, pai training nung shilem agirtem dang training nung angazükba tasatem benshia pei sasa pei poksüng aazüka alitsü ajungshi. Khedi Baptist Church, Asso. Pastor Kevidzenyii Mere-i, Arogo nung lanurtem nem taküm jenjang yanglutsü atema tasa balala agütsüba atema department dang pelaba lemsatep. Iba sentong nung parnok ajak agi 26-i shilem agia liasü, ta DPRO Kohima sangdong ka ajanga metetdaktsü.