Skull Island nung kanga anibelema shilem agi : Brie Larson

Los Angeles, March 5 (Agencies): Nüngtugu film actress Brie Larson-i ashiba agi, la taruba film ‘Kong: Skull Island’ nung shilem agiba ama tanga film kecha nunga ajangshia maru. Iba film yangludang shi, temang nung kanga anibelemba lai metetdaktsü.
Iba film ya ‘Warner Bros’ teyari ajanga, 1970 mapang nung ajemdaker yangluba film ka lir. Film March 10 nü sayatsü.
“Film nung arakzüa tangoktsü asoshi shilem aika lir, koba ajanga temang kanga dang anema junga alitsü nungdaker. Ni shilem agia aruba film ajak dang nungi ya balaka lir. Iba film nungbo kü mang agi akokba tashi ajak agi shilem agiogo, aser asen mangi inyaktetbatem ngutetdang kanga süngmanga liasü,” ta Larson-i ashi.
Iba film nung la ‘photo-journalist’ ka ama shilem agir, koba nung parnoki shitsü tuluka bushia apur.
Larson-i ashiba agi, la iba shilem asoshi tesayur ka den yaritepa liasü.
“Ni ‘Room’ film nung shilem asoshia tesayur ka den yaritepa liasü, saka ‘Kong: Skull Island’ atema tesayuba kenyongi balaka liasü,” ta Larson-isa ashi.