Smart Cities Mission atema senden amentsü

Dimapur, June 20 (TYO) : June 21, 2016 nü Smart Cities Mission atema state level consultative meeting amentsü ta Secretary, Municipal Affairs Department-i sangdong ka nung metetdaktsü.
Sendenji Nagaland Civil Secretariat, Kohima indang Conference Hall nung nikongtsütsü 1:00 nung tenzüktsü.
Senden nung Social Security & Welfare Minister, Kiyanilie Peseyie-i tongti o jembir ama shilem agitsü, anungji Ministers, Parliamentary Secretaries, MLAs, Administrative Heads of Departments (AHODs) aser Heads of Departments (HODs) ajak arua adentsü mepishir, ta sangdong nungsa shia lir.