Smartron-i Tendulkar-branded phone ka sayatsü

New Delhi, February 24 (Agencies): IoT company Smartron-i Sachin Tendulkar-branded mobile phone ka April nung sayatsü olulu jembidar. Iba ya master blaster indang mezüngbuba mobile phone brand, signature series asütsü.
Industry nungi osang ka ajanga ashiba agi Tendulkar tawa “Rimo SRT” tenüng nung Smartron pur atema Mumbai nung studio ka nung noksa tangoka aliba metetdaktsü.
Iba sentong ya küm ka tsüngda nung ‘t.phone’ aser ‘t.book’ sülen Smartron atema tasembuba device asütsü.
Noksa tangokba mapang anguba agi, iba phone nung tesülen ‘finger print sensor’ aser nüngtugu cricket asayar indang ‘signature’ alitsü, ta osang ajangasa ashi.
Iba dak sendakba nung company-i telangzüba agütsütsü asoshi nungnanga liasü. Parnoki ashiba agi, “Onoki mapangdong nung mobile, laptop, aser tanga osettem indang jenjang metetdaktsütsü.”
Yaküm küm sayaba ‘t.phone’ jenjang 24,999 lir aser classic grey, metallic pink, steel blue aser sunrise orange sentsütem nung angutsü. Iba phone nung 5.5-inch, full-HD Super-AMOLED display, 401ppi, Qualcomm Snapdragon 810 processor aser 64GB ta keta lir.