Smartron tbook flex 2-in-1 laptop India nung sayaogo

Monupii 05, 2018 (Agencies): Smartron-i parnok indang tanabuba generation multifunctional ‘tbook flex’ ta nüngja agütsüba hyper-laptop Rogonü (Friday) India nung sayaogo. Two-in-one “m3” aser “i5” version laptop ya sen 42,990 aser sen 52,990 asütsü aser Monupii (May) 13 nü nungi tenzüka Flipkart ajanga angutsü.
Company-i “tbook flex” laptop ya pungba yangluba den külemi detachable backlit keyboard aser fast fingerprint scanner tem inoka yanglutsüogo. “Dual tone finish aser flixstand balaka den step-less hinge design aser 150 degrees tashi flex sütetba ajanga laptop ya jangratema ayonga benshitetter,” ta company-i metetdaktsü.
Tamshirtemi data tem 40Gbps rate tashi kara transfer asütsü atema company-i iba device nungsa “Thunderbolt” 3 USB-Type C port inoka yanglutsü aser charging atema ‘type-C fast-charging’ inoksema yanglutsüogo. Iba laptop ya orange-grey aser black grey sentsü temeyoktepba nung angutsü. Connectivity atema iba laptop nung 2 x USB (Universal Serial Bus) 3.0, 1 x SD Memory Card Slot, 1 x Type C USB Thunderbolt 3 aser 1 x Type C USB ports feature te keta aliba angutsü. Wireless connectivity tsütsü reprangdangra laptop nungsa 802.11 a/b/g/n/ac, Dual Band (2.4 Ghz aser 5.0 Ghz), Intel WiDi (WiFi Direct) aser bluetooth 4.0 features tem inoksema yanglutsüogo.
Smartron tbook flex nung inch 12.2 tasazük indang WQXGA display den 2560×1600 pixels resolution aser multi-touch display den külemi stylus feature support asütsü. Company-isa laptop tejaklen 2-megapixel aser tesülen 5-megapixel camera inoksema yanglutsüogo. Tongtibang features tem reprangdangra, iba laptop nung dual mic aser speakers den noise cancellation keta aliba angutsü.