SMARTVALUE Coy pur oset tasen 10 sayaogo

Mokokchung, Nov 17 (TYO): SMARTVALUE company pur oset tasen tenüng agi ‘NONI’ yangi hotel Metsüben Mokokchung nung meraketa sayaogo. Iba lapokba sentong nung SMARTVALUE company nungi Assistant manager (Business Support) Isfakur Rahman Taludar, Senior Executive Consultant (Career & Health) Naveen Kumar Gupta, Nagaland nungi senior consultant Lanuwapang Tzüdir aser Mokokchung nungi senior associates-tem densema liasü.
‘NONI’ product 10; Body Lotion, Face wash, face scrub, fac pack, body scrub, hair shampoo, hair oil, soap, cream aser tooth paste nungertem lir. Item osettemji Mokokchung, Kohima aser Dimapur nung Smart Shoppe nung angutsü.
SMARTVALUE company ya 2000 küm tenzük aser taküm küm 15 ajunger aser ibai India nunger company nüngtugu rongnung ka lir. Iba company yagi tongtibangsa luyim asem; education, health aser personal care sector nung ajemdaker inyaker ta company ketdangsertemi osangbener den jembidang lemsatep.
Tang tashi nung SMARTVALUE company yagi par oset (product) 150 dak tali adoka market nung amshidaki. Par company pur küm 15 ajungba den külemi tanü Noni product 10 ya sayar ta parnokisa ashi.