SMI-i “Throttle Thrust 2” ayongtsü

Dimapur, April 30 (TYO) : Spearhead Motorsport Initiative (SMI), Mokokchung-i Moatsü mung nüngtem nung motorsport sentong, “Throttle Thrust 2” May 2 nungi 3 2017 tashi, Longrangdang, Longmisa Village, Mokokchung nung ayonga akatsü, ta Throttle Thrust 2 Convenor, Imnaonen Pongen-i sangdong ka ajanga metetdaktsü.
Sangdong ajanga ashiba agi, iba tetoktepba ya asemsü küma lemdanger akatsü aser item telemsaji yamai alitsü: Cross country 4×4 (SUV), Sprint (Below 1300cc, above 1300cc) aser Autocross (Below 1300 cc, Above 1300c, SUV).
Iba tetoktepba sentong mezüng nü Parliamentary Secretary for Tourisim, C. Apok Jamir aser tananü Addl. Chief Secretary &Finance commissioner, Govt. of Nagaland, Temjen Toy na tongti tesemdangertem asütsü, ta sangdong ajangasa ashi.
Iba tetoktepba nung takok angurtem nem agütsütsü senpetji sen lakh 2 tashi renema lir aser iba den külemi takok marok aser kuli kakettem dena agütsütsü. Anungji shilem aginertemi Autocare aser Meren Workshop, Mokokchung na nungi form agi nung ajungtsü, ta kasa sangdong ajanga metetdaktsü.