Smriti Irani-i DU dang la tazüngba kulitem magütsütsü tuyu: CIC

New Delhi, January 18 (Agencies): Union Minister, Smriti Irani tazüngba kulikaket taila ken o dang sentakba nung lai Delhi University (DU) dang RTI applicant nem telangzüba tagütsü ta tuyu, ta School of Open Learning-i Central Information Commission (CIC) dang ashi.
Iba dak sentakba nung Commission-i School of Open Learning (SoL) dang Union Textile Minister, Irani indang tazüngba records ajakji parnok nem agüjang ta tuyuogo.
DU nung Central Public Information Officer dang tuyuba ama pai Commission nem records magutsüba atema pa nem show cause notice tasen ka agütsüogo.
Temepishiba benoker kati, Irani-i 2004, 2011 aser 2014 küm elections nung tokteptsü atema affidavits nung la tazüngba degree osang tai agütsü, ta la anema ken o benok
April, 2004 Lok Sabha election mapang Irani-i, la 1996 küm DU (Iba mapang nungji School of Correspondence SoL) nungi BA renem, ta ashi.
Ano July 11, 2011 nung Gujarat nungi Rajya Sabha election nung toktepdang lai affidavit nungji la highest educational qualification ji BCom Part I lir ta shia lir, ta city court ka nung ken o agüja liasü.
Central Information Commission dang temepishiba benoker kati, SoL-i pa nem Irani indang tazüngba kulitem indang osang magütsü, ta metetdakja liasü.
Temepishiba benoksang jagi, 2013 küm Irani ji University nung tenüng züluoka liasü asü, kechiba la tatidang magi, ta asüngdanga liasü. Iba mapang nungji SoL-i, RTI Act kübok personal information aser fiduciary information nung ajemdaker osang magütsür, ta shia liasü.