Snapchat ajanga Android smartphone yanglutsü

New York, February 18 (Agencies): Camera amshia noksa lemsaba ‘Snapchat’ company ajanga android smartphone yanglutsü sentong lir, ta metetdaktsü.
Snapchat ya California nung lir, aser iba company ajanga 360-degree camera aketba ‘concept handset’ ka saya.
Iba phone nung ‘Snapchat notification’ aser ‘update’, ‘message’, ‘syncing’ amala ‘function’ kanga karaa lapoktsü asoshi ‘lock screen’ inoka lir. Iba phone nung ‘Discover screen’ asoshi GPS aser ‘map’, ‘Snapchat Stories’ aser ‘advertisement’ amshitettsü.
Snapchat nung ‘advertisement’ balala ajanga sen azüktsü nükjidong lir aser iba ajanga Google, Facebook aser Twitter den tokteptsü.
Snap Inc. ajanga iba app amshitemi tezüpaba nung amshitsü asoshi ‘universal search bar’ inoktsü.