Snapdeal nung minute 5 tsüngda Maggi kits 60,000 ayok

Bengaluru, November 12 (Agencies): Snapdeal-i ashiba agi Maggi Flash Sale tenzükba sülen minute 5 tsüngda nung Maggi WelcomeKits 60,000 yokdokogo.
Snapdeal-i Maggi online nung ayoktsü atema Nestle den tesentaktep yanglu aser iba atema November 9, 2015 nungi registrations mapa tenzük.
Snapdeal nung ayokba Maggi WelcomeKits nung Maggi packet 12, 2016 Maggi calendar ka, Maggi fridge magnet ka, Maggi post cards aser ‘Welcome Back’ shidi ka densema liasü.
Ano, November 16 nungi Maggi WelcomeKits shilem ka ayoktsü.
India kübok jila 100 nung distributor 300 shi kati Maggi tanaben ayoktsü tenzüker aser company-i mapang lemsar iba mapa inyaker, ajisüaka state ti nungbo Maggi noktangba magien lir.
Bombay High Court-i tetuyuba agütsüba ama government-accredited laboratory asem nung Maggi tendanga reprang aser iba nung ashishiteptsüsa kecha mongutetba sülen taküm August ita nung Food Safety and Standards Authority of India (FSSAI)-i tenokdangba agüja aliba agiena liasü.