Snapdeal nung ticket aser chiyungtsütem order sütettsü

New Delhi, July 6 (Agencies) : Snapdeal amshirtemi flight & bus tickets book asütsü, hotels reserve asütsü aser chiyungtsü order asütsü atema service tenzüktsü osang metetdaktsüogo.
Iba atema Snapdeal-i Cleartrip, redBus, UrbanClap aser Zomato nunger den tesentaktep yangluogo.
2020 küm tashi nung online services ya $100 billion industry ka akümtsü tashi lir. Onoki linük nung temulung lemtettsüsa commerce ecosystem ka tentettsü merangdang onok customers indang taginübatem peritsütsü atema mapa inyaker, ta Snapdeal Co-Founder, Rohit Bansal-i sangdong ka nung metetdaktsü.
“Iba service tenzükba ajanga Indian online marketplace tulutiba nung onoki nisung teimba tonga oa inyaksangshitettsü aser customers-i online ajanga chiyungtsü tekaratiba nung order sütettsü” ta Zomato Founder & CEO, Deepinder Goyal-ia metetdaktsü.
Snapdeal indang app ajanga customer temi temalen agüja aliba service providers tem den tongteptsü akok.
“Snapdeal nung service balala tenzükba ajanga 2020 tashi nung daily transacting users million 20 ajungtsü alizüng atongtsü ta onoki amanger” ta Rohit Bansal-isa ashi.