Snapdragon 636 Processor aketba Moto Z3 Play sayaogo

Aami (June) 7, 2018 (Agencies): Motorola company-i Moto Z2 Play sayar küm ka lir tang Moto Z3 Play sayaogo. Moto Z series nung USP ji Moto Mods support asütsü aser kasaji Moto Z3 Play nunga Moto Mods support asütsü. Moto Mods ya magnetic pin teyari ajanga phone tesülen madaktettsü. Motorola puri Moto Mods tem rongnung speaker aser camera dena yangluogo.
Moto Z3 Play nung 6.01-inch Super AMOLED display den resolution of 1080p HD+ aser aspect ratio 18:9 keta lir. Bezels tajemba kümdaktsüba sülen screen-to-body display ratio shilem 75 kümogo. Phone nung tashiji Qualcomm Snapdragon 636 ajanga agütsütsü aser iba den 4GB/6GB RAM aser 64GB/128GB internal storage keta aliba angutsü. Storage atsülangtsüba atema microSD card slot ka dena keta lir.
Camera tsütsü reprangdangra Moto Z3 Play nung tesülen dual camera setup ka inokja lir kong 12MP primary sensor ka aser 5MP depth sensor ka keta aliba angutsü. Tejaklen 8MP camera ka keta lir. Moto Z3 Play nung operating system ji Android 8.1 Oreo aser battery tashi 3000mAh alitsü. Iba den charging aser splash resistance atema USB-C port ka keta lir.
Moto Z3 Play jenjang ya $499 (sen 33,380 shi) asütsü aser mapang tatsüka tsüngda ayok tenzüktsü. Motorola puri Moto Z3 Play ya Brazil nung tanü nungi ayok tenzüktsü aser alima ajunga nung iba ita ayok tenzüktsü. US nung iba phone ya Sprint aser US Cellular den tongtibang retailers tem nung angutsü. Ajisüaka India nung iba phone kodang nungi angutsü, iba osang tejangjabo mali.